379 Views

கோப்புப்படம்

சென்னை: 

கல்லூரி, பல்கலைக்கழக பருவத் தேர்வுகள் குறித்த அறிவிப்பை வெளியிட்டுள்ள தமிழக அரசு, இறுதியாண்டு மாணவர்களுக்கான முக்கிய அறிவிப்பை தற்போது வெளியிட்டுள்ளது.

கொரோனா வைரஸ் தொற்றைக் கட்டுப்படுத்த நாடு முழுவதும் ஊரடங்கு பிறப்பிக்கப்பட்டு, அமலில் உள்ளது. இந்த ஊரடங்கு உத்தரவு வருவதற்கு முன்பே தமிழ்நாட்டில் கடந்த மாதம் 16ஆம் தேதி முதல் பள்ளி கல்லூரிகளை மூட அறிவுறுத்தி தமிழ்நாடு அரசு ஆணையிட்டது. அதன்படி பிளஸ்2 தேர்வுகள் மட்டும் நடத்தி முடிக்கப்பட்டது. எனினும், ஊரடங்கு காரணமாக பிளஸ்2 இறுதி தேர்வை ஆயிரக்கணக்கான மாணவர்களால் எழுத முடியவில்லை. அந்த மாணவர்களுக்கு தேர்வுகள் பின்னர் நடத்தப்படும் என தெரிவிக்கப்பட்டது.

அதேசமயம், 10,11ஆம் வகுப்பு பொதுத்தேர்வுகள் ஒத்தி வைக்கப்பட்டன. கல்லூரி பருவத்தேர்வுகளும் ஒத்தி வைக்கப்பட்டன. மேலும், கல்லூரிகள், பல்கலைக்கழகங்களுக்கு இந்த பருவத்தில் நடத்தப்பட வேண்டிய தேர்வுகள் நடக்குமா என்ற கேள்வி எழுந்தது. இதனிடையே, “இந்த பருவத்தில் நடத்தப்பட வேண்டிய கல்லூரி, பல்கலைக்கழக பருவத் தேர்வுகள் கல்லூரிகள் திறக்கப்பட்டு அடுத்த பருவம் தொடங்கும்போது நடத்தப்படும். கல்லூரிகள் திறக்கப்படும் தேதி குறித்து பின்னர் அறிவிக்கப்படும்” என தமிழக அரசு அறிவித்தது.

கல்லூரி மாணவர்களே பீ கூல், எக்ஸாம் டெண்ஷன் வேணாம்!

இந்த அறிவிப்பு கல்லூரி மாணவர்கள், பெற்றோர்களை நிம்மதியடையச் செய்த நிலையில், கல்லூரி இறுதியாண்டு பயிலும் மாணவர்களுக்கான தேர்வுகள் எப்போது நடத்தப்படும் என்ற கேள்வி எழுந்தது. அதற்கு தீர்வு காணும் வகையில், கல்லூரிகளில் கடைசி ஆண்டு பயிலும் மாணவர்களுக்கு ஜூன் மாதத்தில் தேர்வுகள் நடத்தப்பட்டு, ஜூன் மாதத்திலேயே முடிவுகளை வெளியிட உயர்கல்வித் துறை முடிவு செய்துள்ளது. இந்த தகவலை உயர் கல்வித் துறை அமைச்சர் அன்பழகன் வெளியிட்டுள்ளார்.

கொரோனா ஊரடங்கு காரணமாக கல்லூரி தேர்வுகள் தள்ளி வைக்கப்பட்டுள்ளன. கல்லூரிகள் திறந்த உடன் இறுதியாண்டு மாணவர்களுக்கு முன்னுரிமை அளிக்கப்படும். வளாக நேர்காணலில் தேர்வு பெற்ற மாணவர்களுக்கு எந்த பாதிப்பும் ஏற்படாது எனவும் அவர் விளக்கம் அளித்துள்ளார்.

samayam tamil

சென்னை பல்கலைக்கழகம் :

இதனிடையே, சென்னை பல்கலைக்கழகத்தின் பருவத் தேர்வுகள் அடுத்த கல்வியாண்டின் துவக்கத்தில் நடத்தப்படும். இந்த தேர்வுகள் இடைவெளியின்றி நடத்தப்படும். தேவைப்படும் பட்சத்தில் காலை, மதியம் என இருவேளைகளிலும் நடத்தப்படும். கல்லூரி திறக்கும் தேதி பின்னர் அறிவிக்கப்படும் என சென்னை பல்கலைக்கழகம் அறிவித்துள்ளது. மேலும், இறுதியாண்டு தேர்வு முடிவுகளை விரைவில் வெளியிட தேவையான நடவடிக்கை எடுக்கப்படும் எனவும் சென்னை பல்கலைக்கழகம் வெளியிட்டுள்ள செய்தி குறிப்பில் தெரிவிக்கப்பட்டுள்ளது.

Translate »